بوح المهيار .... بقلم مهيارالليل ....
بوح المهيار ....
بقلم مهيارالليل ....
اقول : وانا المهيار !!!
عمر السامعين يطول !!!
صلوا على طه الرسول ؛؛؛
الشين ما ينفعك ياخوي بشي
وان رفيقك زين احذر انك تعوفه
لا تطرد المقفي ولا تشاور العي
قدام ياكلك الندم والحسوفه
ترى حكيم الشور ياخذ ويعطي
نفسه من الراي الدناوي عيوفه
ولا تقرب الشبه ولا تخاوي السي
عليك باللي طيبات وصوفه
من رافق الطيب شرب صافي المي
ومن رافق الهافي جفا الما كفوفه
ولا تنكر المعروف رد معروفه
وادمج خطا الطيب ليا صار مخطي
واقبل معاذيره وقدر ظروفه
ولا تنهر المحتاج لا جاك مبلي
خسارة في فعل خير مخلوفه
واطلق حجاجك لا اقبل الخاطر وحي
بشاشة الطيب كرامة ضيوفه
ترى الكريم معان بالخير مرهي
من يترك الماجوب جعله ذلوفه
لا تقطع الرفقه ولو حبلها لي
حبل الرفق من يفلته بان خوفه
رجل بلا ربعه من الناس مجفي
لابد صكات الليالي تحوفه
واللي في عينه ما يشوف البشر شي
ترى البشر في عيونها ما تشوفه
ومن عوده حظه على بارد الفي
لابد لفحات السمايم تلوفه
ومن ساقته نفسه على سكة الفي
صعب عليه ليا تمادي نكوفه
ترى الليالي تطوي ايامنا طي
ياالله بحسن الخاتمه والمروفه
استغفر ربي ان كان ببوحي سي
مهيار الليل ما يرعبه كسوفه
مهيارالليل ....
تعليقات
إرسال تعليق