لملم شعاع النور تحياتى : الشاعر / خالد العطار
لملم شعاع النور
تحياتى :
الشاعر / خالد العطار
واطفي شموع القمر
قلبي اللي كان مأسور
فجأة لقيته اتكسر
دمعي غصب عني بحور
ودمي ف سماكي مطر
أبكي علّلي كان مأسور
واللي ف هواكي اتأسر
لا عمره كان بيثور
ولا عن هواكي اعتذر
لملم يا قلبي حبال
دابت من التجاريح
عارفك تهد جبال
وياما داويت مجاريح
سواد الليل لو طال
بنيت للصبر ضريح
غرد يا ناى الشوق
خليلي وأنيس وحدتي
ياما اطّلعت لفوق
وبثيت لله شكوتي
وياما قلت أنا أفوق
لقيت غناك سلوتي
امتى يا ناى الصبر
تسمع أنين غنوتي
وامتى شعاع النور
يداوى جراح القمر
وامتى اللى كان مكسور
يفرح في يوم مانتصر
تحياتى :
الشاعر / خالد العطار
تعليقات
إرسال تعليق