#همسات الشعر الحالمة نائلة سامى ·
#همسات الشعر
الحالمة نائلة سامى
ww.facebook.com/nailasamy123456789
((((غلطة)))))
اوعى تقول ان انا مش هنسى
لا يا حبيبى انا هنسى وهقسى
دة انت فى عينى كنت ملاك
دلوقتى انا عايشة هلاك
ضيعت معاك ايامى
وسرقت بايدك احلامى
عشت معاك ايام ذلتنى
بعدك عنى اكيد هيفدنى
حبى ليك يا حبيبى ده غلطة
هو فى عينى اكبر ورطة
اصل الحب ده غايه نبيلة
بس ده عندك انت وسيله
ده حبك خلانى اشوف
حبك خلانى اتعلم
ده انت حبيبى طلعت معلم
خلتنى اعرف اتالم
وقتلت جوايا معانى
خلتنى اقاسى واعانى
خلتنى اشوف بعنيا حاجات
بسمعها بس فى حكايات
وبشوفها فى احلامى كابوس
ده حلمى وياك محبوس
وكانى اسيره ومسجونه
وبقيت من سجنك مجنونة
وبقيت مش شايفة انا قدامى
ولا حتى ورايا وحوليا
فى عنيا الدنيا بقت نار
والجنة دي بعيده عليا
نفسى اصرخ وباْعلى الصوت
انا حاسة معاك انى بموت
وعذابى معاك مش بيفوت
مش لقيا لعذابى نهاية
بس خلاص انا لازم افوق
واهزم ضعفى وانسى الخوف
واوعى تقول ان انا مش هنسى
لا هنساك بسهولة اكيد
اللى قسيتة خلانى اعيد
ترتيب حسباتى من الاول
دة حبك خلانى اتحول
قسوه قلبك قست قلبى
عمرى ما هبقى عليك يا ظالمنى
بل بالعكس انا هجرى واغنى
انى لحقت اللى فاضلى
من قلبى وحياتى وعمرى
#نائلة سامى
تعليقات
إرسال تعليق