فارقنى .... صلاح الصغير 30-10-2015
فارقنى
....
صلاح الصغير
30-10-2015
....
صلاح الصغير
30-10-2015
ياعم الهم ماتتلم وإبعد عنى
خلاص كفيانى ماتنسانى
أنا اللى جانى بقيت الجانى
غصب عنى
......
فكرك يعنى إنك تغلبنى
وابات ليلى وإنت غالبنى
فارق وإبعد غاوى تعند
بلاش تصاحبنى
.....
تعبت الروح وبقيت مجروح
ومنين مابروح ليه مصاحبنى
بقولك حاجه مش محتاجه
هو أنت حاببنى ؟؟؟؟؟؟؟؟؟؟؟
......
حرب ونار ودليلى إحتار
طولت معايا المشوار
هو فى تار ماتقول خلصنى
رد جاوبنى
.......
وغلبت أنا فيك هتبرع بيك
ده اللى فيا من فعل إيديك
غور يا ألا فارقنى
كرهتك صدقنى
....
معلش أعذرنى م الفرح حارمنى
قربك جننى والله وحيرنى
نفسى فى فرح كرهت الجرح
إفهم وإسمعنى
....
صلاح الصغير
30-10-2015
تعليقات
إرسال تعليق