روحى يلا لمعازيمك بقلم محمد البلاط
روحى يلا لمعازيمك
بقلم محمد البلاط
الاب
---------
روحى يلا لمعازيمك
ولحظه وراكى اجيلك
البنت
--------
بتبكى ليه يابا فى فرحى
وطول عمرك بستناه
صحيح انا بيه فرحانه
لكن قلبى بيصرخ اه
صحيح سعاد تى وياكم و موش وياه
لكن خوفى على شرفك انا حسباه
وشايله امانه وصيناها بعهد الله
دموعك يابا جففها
بتألمنى وبنتك انت عارفها
بتبكى ليه يابا فى فرحى
وطول عمرك بتستناه
الاب
---------
يا بنتى دمعة الفرحه
ياما اتمنيت اعيش لليوم
واشوفك لابسه الطرحه
ومن ايدك لعاريسك
اوصل له
عنيه ورحى وبفرحه
متبكيش على بكايا
وللمعازيم قابليهم
وزيدى فى قلبى الفرحه
ودمعى هاخفيه من عينى
ويكفى دمعتى فى قلبى
البنت
--------
يابا بالله وامانه
صحيح امى مفرقنا
وخدها الله واعطنا
روحك الحلوه تحمينا
وبجناحك تدفينا
وعشت العمر دا كله
تدلع وتدادى فينا
يابا الجرح جوايا
صورة امى بشوفها فيك
فى بروزها وفى ومرايا
متألمنيش بدموعك
وخف الحزن عن روحك
انا عارفاك وعارفه كل جروحك
شايف امى فى صورتى انا
لكن بالله وامانه مانا مفرقاك
وكل يوم والتانى
تجى تلقانى بستناك
ولو حكمت بلاها يابا جوازه
وعمرى هكمله وياك
الاب
---------
يا بنتى انا مش زعلان
واقسم لك انى انا فرحان
ويوم سعدى وهنايا
اشوفك لابسه الفستان
روحى شوفى معازيمك
ولحظه وراكى راح اجيلك
اجفف دمعى من عينى
وبنفسى يابنتي هغنيلك
روحى يلا لمعازيمك
تعليقات
إرسال تعليق