بقلم محمد البلاط اوعى .............. مجلة سجال الشعراء العرب
اوعى
..............
اللى الكل يحبه بجد بس المصرى
صابر رغم الهم وجد باخلاقه عصرى
واوعى
اوعى تفكر نفسك مصرى
ولاه تقول انا مصرى بجد
وتعمل فيها شهم وعصرى
طب ليه فيها يا عم تهد
اصرخ هلل قول اتكلم
كل مساوىء فيها وعد
بس بلاش السكه تسد
عايز تبنى فيها وتعلى
رد على اللى بيسأل رد
عايز ايه من مصر اليوم
عايز بلدك واحده عفيفه
ومتغطيه ولبسه هدوم
ولا عايزه بنت لليل
وكله بيضرب فيها بالشوم
انا مش ناكر ان بلدنا لناس وناس
واللى عايشها الرقاصه
والمقتول فيها الكناس
واللى بيطلب حقه بكلمه
يكون الرد عليه برصاص
انا مش ناكر
بس الحل نولع فيها
ولا نطبطب ونصحيها وتكون شاكر
ولع احرق انت هتغرق مركب كله راكب فيها
وعشان تبقى المصرى العصرى
وابن الناس وبفعل حميها
اصرخ هلل قول اتكلم
كل مساوىء فيها وعد
بس بلاش السكه تسد
تبقى المصرى ابن المصرى
اللى الكل يحبه بجد
بقلم محمد البلاط
تعليقات
إرسال تعليق