من كلماتي ..اه .واه يابلد. .طارق السيد

من كلماتي ..اه .واه يابلد.

.طارق السيد

بكل لغات الالم...بكل اهات الندم....بطعم المر جوا السنين

.....ياصرخه غايصه في الزمن........حزن وشجن......

..............................................ولا ده بكا الناي الحزين

امتي هاييجي الحلم من جوا الوجع...................

امتي يداوي الوقت قلب اتوجع.......................

ولا يابلدي هاتجهضي نفس الجنين..............

ليه كل مافيكي طفل بيتولد وياه امل......

بترضعيه كره بيتفرد في وش الزمن...

وبتقتلي فيه الحنين...................

ليه دايمه غربه مرفرفه......جوانا برد فين الدفا

وقلوبنا واجعها الانين............

ليه كل الغلابه فيكي محرومين...من ورثهم طول السنين

ولا انتي مابتورثيش الا الديابه الافاقين

هو انتي مش عارفه ان الميراث شرع ودين

طب ماتقوليلي ابنك انا ولا ابن مين

طب فاكره لما كنتي بتصرخي انا كنت فين

كنت انا احمس بيطرد في هكسوسك

وقصيده من غزل شوقي ........في قصه من كتب قدوسك

ويوم الجدب مادب في الدنيا....كنت يوسف لما بني فردوسك

وفي يوم الفرقه كنت مينا موحد القطرين..

.طارق السيد