محمد رضوان أطمنك .......

محمد رضوان

أطمنك .......

ما غبت عن بالي دقيقة .. وحبي لك مش وهم دي الحقيقة .. الثواني في بعادك تقيلة .. الأيام قديمة وعتيقة .. بفتح صورتك كل ليلة .. ابوسها واشيلها تاني .. مش محتاجها .. لأنك في بالي .. ساكن روحي ووجداني .. بس بصبر نفسي بيها .. يوم يعدي ويقرب لقانا .. يوم يعدي الشوق زايد جوانا .. محدش خد مكانك .. ولا حد خد مكاني .. الدموع في عيونك جففتها .. والنظرة منك كلمتها .. قولت لسه فكراني .. ردت بخجل مقدرش انسي اللي هواني .. ولو نسيت اشوف مين تاني .. تسلم عيونك يا غالية .. انتي اللي جوايا باقية .. والكون كله فاني .. الحب من قلبك جنات .. اتمني اموت وادخلها .. وتقفل عليا رموشك ..

والجفن يبدأ حسابي .. حبيبك انا والا حد تاني ؟

والضلوع تشبك جسمي .. خيوط حرير نسجاني ..

والصوت ينده عليا .. انا الحبيب الاولاني ..

اطمنك .....

يا حبيبى كل وقتي فيه بفكر فيك .. ناسي اهلي وناسي الغربة .. ماسك في عمري حلم حلمته بيك. . عايش اغني غنوة اسمك فيها .. والأماكن كلها شاهدة عليك .. فيها حضنك فيها ضحكة من شفايفك ..

فيها لمسه من ايدك .. فيها زعلي فيها غضبي ..

بس مبهونش عليك .. فيها قمر اتكسف من نظره

عنيك .. ونجوم في السما ضحكت علي خدودك ..

فيها وعد مني ووعد منك .. نكون لبعض 

فيها جرينا ولفينا الارض .. سبقنا الهواء بالطول والعرض .. فيها حاجات حسيناها .. فيها ساعات عديناها .. وفيها كتير وردات .. مقطوفة من خدودك

مروية منك صفات .. فيها أدب وفيها كل سبب خلاكي ملاك