تنهيدة بحر بقلمى خواطر رجاء
تنهيدة بحر
بقلمى خواطر رجاء
**********************""""""""""
من وجع السنين جمعت باقي احلامى
وطرحت من القسمه نصيبى من ايامي
لقيت نفسى خسران بالحسبه يا بحر اوهامى
ولما ضربت الخساره في واحد لقيت الالمى
بالقسمه والجمع الطرح والضرب في انغامى
انغام مكسوره علي رملك يا بحر الامانى
جيتك يا بحر ترجعنى لزمانى من تانى
وتجبلى عهد ما عشته بجد االا بنسيانى
جيتك يا بحر الدمعه سرقانى وقتلانى
جيتك بعد سنين ترحال غياب وغربه
وتوهت في زمانى ما بين كربه وكربه
ومالقيت في حياتى بسمه حلوه عذبه
اتنهد البحر بحرقة الاه علي بقايا من ذكراه
اتنهد البحر تنهيده دابت فيها دموع هواه
واسرنى بدمعاته في صمته وفي بكاه
وفي صرخه كانت مداويه اثارة الوجع بيا
قال جاي دلوقت ليا خلاص مبقاش فيا
اغسل هموم المجروحين وامواجى مخبيه
فات الاوان وعهدك عدى عليه يابنى الزمان
اصل لكل وقت اذان ووقتك فات عليه النسيان
اصبحت لبكره ذكره منحوته بجدران الايام
منسى زاى بعشره هجرتها من زمن الاحلام
زاى ما نسيك الحاضر نسيك معاه الابتسام
ياللي دار اليوم زمانك عليك بايه يفيد البكئ
بلاش علي تلوم زاى ما عشت الربيع
عيش الشتا
لملم اهاتك يا مظلوم وارحل من غير ما تشتكى
المكتبة الإباضية ..موقع يهتم بنشر الكتب القيمة في مختلف الجوانب (فقه..عقيدة..تاريخ...الخ) فما عند الإباضية من نتاج فكري
ردحذفhttps://maktaba-ibadia.blogspot.com/